星期日約左班「宮崎駿」迷睇「崖上的波兒」，晏晝去左新世紀freshburger，真係名不虛傳，好正，肉好juicy，係我食過最好食burger之一，如果俾我排名佢應該係第一。
Freshness burger > Triple O > Mos burger > Mcdonald(只限至尊漢堡) > Burger King > Fat Burger (不值一提, 又貴又唔好食)
之後係新世紀影左幾張波兒相, 好多人呀。
黃昏時join埋friend去睇波兒，雖然已經睇左一次，但戲院睇感覺唔同，細節位睇多左，同埋正式版的翻譯比rmvb版好d。可能由於我地選擇日文原裝版，所以無乜細路，可以安心睇戲。而且發現到難得香港人係聽哂片尾歌, 出哂字幕「The End」先走人，係一個早走都無。同埋今次full house之餘，係加開多一個house都full house，同一時段有2個house播同一套片都full house，真係難得。
夜晚我地幾條友仔罕有食平民野，今次走左去廟街食煲仔飯，原來d煲仔飯咁平，而且仲要大排張龍，排係我地後面仲有一家三口日本人添......以18蚊黎講，交足功課丫，不能再太過苛求，食一餐好飽既餐，有飯有湯有小食都係26蚊，抵。
海鮮什菜湯
蠔餅
窩蛋牛肉飯
港燦
食飽飽，就番去旺角搭巴士返屋企，估唔到返我屋企新加左WIFI巴士，梗似第一時間試試啦。
巴士四周貼有使用簡介
在巴士上search到的wifi network
連接後會出現以下畫面確認
但我覺得都係得啖笑lor, SE攪呢個wifi係好，但唔知係咪好多人用，定網路唔穩定，俾起我平時用3G上裝慢好多，好難先connect到，但免費既又唔好要求咁高喇......
