有睇我個blog/我d friends都知我早排因為和記激到我嘔電，宜家......除0左cut左用和記network作傳輸0既無綫收費電視外(其實我會用now繼續睇TVB)，家居電話亦緊隨離開和記。其實係我屋企有好多間供應商，排除左d黑名單外(和記、有線同埋九倉新電訊)，只有PCCW同香港寬頻選擇。因為我裝左Now TV，PCCW俾左個好優惠0既價錢比我，比香港寬頻仲平，梗係用佢啦，但個account就要轉用我個名lor，唔知到時屋企人會唔會側側膊要我俾埋月費呢??
一星期後和記終於打電話黎，夠膽死仲問我點解要轉用其他公司，我講完後佢話如果提供一個優惠價錢會否唔過檔，我話「你提供0既價錢一定唔會平得過PCCW」，佢跟住開出$35一個月俾我。嘩!!!頂爛市咩!!!雖然佢開0既價錢的確比PCCW更抵，但我都係用「價錢唔係唯一考慮因素」為由斷言拒絕，係咪好型好有骨氣呢......
宜家屋企仲剩番寬頻同和記仲有contract，可惜仲有一段時間，希望快d到0個一日啦!!
